Будынак

Будынак па вул. Савецкая, 112, пабудаваны ў 1923 па праекту арх. Сідарчука, першапачаткова ўяўляў сабою частку двухпавярховага чатырохсекцыйнага мураванага жылога дома з убудаванымі на першых паверхах крамамі. Кожная секцыя мела свой адрас і разглядалася як самастойны будынак. Амаль аднатыпныя секцыі падзелены па галоўнаму фасаду прамакутнымі лізенамі. Кожная секцыя мела па тры праемы на “пентра” з балконам па сярэдзіне, на першым паверсе па дзве вітражныя вятрыны з зашкленымі дзвярыма. Фасад атынкаваны, завершаны вянчаючым карнізам. Дах двухсхільны, крыты бляхаю, прарэзана слыхавымі акенцамі-люнэтамі. У пасляваенны час страчаны балконы другога паверху, зменены праёмы першага паверху. Будынак нясе рысы пераходнага перыяду ад позняга класіцызма да канструктывізму.