зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
112Е000002_207
Катэгорыя каштоўнасці
Тып каштоўнасці
Месца знаходжання
Брэсцкая вобласць, г. Брэст, вул. Савецкіх пагранічнікаў, 4
Датаванне
1897 г.
Апісанне
У другой палове XIX стагоддзя гістарычны ўчастак № 9-11 меў некалькі гаспадароў. Будынак, які захаваўся - Савецкіх Пагранічнікаў, 4 - аднапавярховы, каменны, з мансардай прыбудаваны ў 1897 годзе, з поўначы, да дома Ліплеўскіх, па праекце інжынера Яшчолда дом мужа і жонкі Глузман Хайма Герша Мендзялевіча і Енты Іцкаўны.
Пасля Першай сусветнай вайны, у 1922 годзе дом адноўлены, прыбудоўваецца мужам i жонкай Глузманамі па праекце вядомага архітэктара Сямёна Сідарчука, а затым у 1926 годзе будынак пашыраецца і надбудоўваецца другі паверх. У гэтым выглядзе будынак па вул. Савецкіх Пагранічнікаў, 4 дайшоў да нашага часу. У Дзяржаўным архіве Брэсцкай вобласці існуе яшчэ адзін праект перабудовы і пашырэння будынка, выкананы архітэктарам Мікалаем Сінкевічам і адкарэктаваны ў 1928 годзе галоўным архітэктарам горада Мікалаем Катовічам. Праект не быў ажыццёўлены.
2 студзеня 1940 г. будынак нацыяналізаваны і выкарыстоўваўся як шматкватэрны жылы дом. Дом перажыў дзве сусветныя вайны, і ў здавальняючым стане дайшоў да нашых дзён. Дадзеных па выкарыстанні будынка ў перыяд нямецкай акупацыі не выяўлена, верагодна будынак выкарыстоўваўся пад жыллё. Пасля Другой сусветнай вайны, Рашэннем Брэсцкага гарвыканкама № 154 ад 6 лютага 1951 г. будынак перададзены Гаркамгасу. У 1993 г. была праведзена рэстаўрацыя дома, пад час якой былі ўсталяваны ванны, зроблена каналізацыя. Зараз у доме вадаправод, каналізацыя, цэнтральнае ацяпленне, ванны і туалет.
Сартаваць па