Будынак

Невялікі аднапавярховы складаны ў плане аб'ём накрыты вальмавым дахам, падмурак бетонны. Будынак прамавугольны ў плане з двума каменнымі рызалітамі ўваходаў на дваровам фасадзе. Галоўны фасад выходзіць на чырвоную лінію забудовы, мае плоскаснае вырашэнне, сцены галоўнага і дваровага фасадаў рытмічна падзелены прамавугольнымі аконнымі праёмамі, якія ўпрыгоджаны цаглянымі налічнікамі і падваконнымі нішамі. Вуглы будынка фланкіраваны прамавугольнымі пілястрамі з фігурнымі нішамі. Фасад завершаны развітым карнізам. 3 унутранага двара да дома прымыкаюць 2 прыбудовы з уваходамі. Будынак адносіцца да так званага “цаглянага стылю”.