Будынак

Аднапавярховы Г-падобны ў плане будынак. Тарцовым фасадам шчыльна прымыкае да суседняга дома № 17. Накрыты двухсхільным дахам. Фасады патынкаваныя. Галоўны фасад вылучаны бакавымі неглыбокімі рызалітамі. З левага боку ў рызаліце знаходзіцца дзвярны праём, аформлены брылем на фігурных каваных кранштэйнах. Да ўвахода вядзе ганак. Справа ў рызаліце аконны праём падкрэслены падаконным карнізам. Верхнія плоскасці рызалітаў дэкарыраваны прамавугольнымі філёнгамі. Два цэнтральныя прамавугольныя аконныя праёмы аздоблены ліштвамі з фігурнымі паўцыркульнымі сандрыкамі і падаконнымі плоскімі панелямі. Завершаны фасад карнізам з сухарыкамі. Выразнасць фасаду надае кантрасная пафарбоўка архітэктурнага дэкору белым колерам.