Будынак

Двухпавярховы прамавугольны ў плане будынак накрыты двухсхільным дахам. Галоўны фасад мае сіметрычную кампазіцыю. У цэнтры размешчана праезная арка, аформленая абрамленнем з замковым каменем. Вуглы будынка і цэнтральная частка з аркай вылучаны пілястрамі, на першым паверсе апрацаванымі пад руст. Лучковыя аконныя праёмы на першым паверсе дэкарыраваны ліштвамі з прамымі сандрыкамі, замковым каменем і падаконнымі нішамі. На другім паверсе прамавугольныя аконныя праёмы дэкарыраваны руставанымі ліштвамі з чаргаваннем трохвугольных і паўцыркульных сандрыкаў, падаконнымі філёнгамі. Сіметрычна размешчаны два балконы на фігурных кранштэйнах і з ажурнымі каванымі агароджамі. Аконныя праёмы пад балконамі, падобна, перароблены з дзвярных. Завершаны фасад фряызам і карнізам з сухарыкамі.