Будынак

Будынак № 10 па вул. Савецкай у Гомелі ўяўляе сабой трохпавярховы складаны ў плане аб’ём з цэнтральным размяшчэннем лесвічнай клеткі. Галоўны фасад раздзелены карнізнымі паясамі і лапаткамі. Плоскасці сцен першага паверха апрацаваны рустам і рабрыстымі лапаткамі, другога - філёнгавымі лапаткамі з разеткамі і вокнамі са спаранымі аркападобнымі ліштвамі. Над імі - круглыя медальёны з рэльефнымі выявамі дзіцячых галовак. Ліштвы аконных праёмаў трэццяга паверха маюць арачную форму з кілепадобным завяршэннем і расчлянёны рустоўкай. Яны папарна (акрамя цэнтральнага) падзелены падвоенымі паўкалонамі. Паміж імі - ляпныя ромбападобныя элементы. Шырокія аконныя праёмы, уваход у пад’езд і праём для праезда ў двор аформлены плоскімі, падзеленымі на часткі перамычкамі з замковымі камянямі. Паміж першым і другім паверхамі - вузкі карніз з сухарыкаў, паміж другім і трэццім - больш шырокі, з сухарыкамі і стрэльчатымі дэкаратыўнымі элементамі. Пад дахам — шырокі складаны карніз з выкарыстаннем разнастайных архітэктурных дэталяў. На ім — парапетныя слупы, якія аб’яднаны металічнымі рашоткамі. Яны вянчаюць лапаткі і дэкарыраваны разеткамі. Два цэнтральных слупа злучаны перамычкай, утвараючай атык. Ён дэкарыраваны вялікай зоркападобная разеткай са скразной люкарнай, два прамяні якой разыходзяцца ўніз. 

Будынак быў узведзены у канцы XIX стагоддзя ў адной з самых прэстыжных частак города. Кватэры размяшчаліся на 2-м і 3-м паверхах, а на 1-м — канторы гандлёва-прамысловых прадпрыемстваў, крамы. Пасля рэвалюцыі нейкі час дом выкарыстоўваўся для размяшчэння цэнтральнага піянерскага клуба (1927 г.). У гады Вялікай Айчыннай вайны будынак значна пацярпеў, у 1951 г. ён быў адноўлены. Цяпер на першым паверсе дома знаходзяцца крама “Рамонак ”, кафе “Марожанае”. Другі і трэцці паверхі — жылыя.