Будынак

Будынак ра пр.Незалежнасці, 48 у г.Мінску. Пяціпавярховы Г-падобны ў плане будынак. Галоўны фасад вылучаны чатырма вузкімі неглыбокімі рызалітамі. Жылы дом № 48 фарміруе забудову паўднёва-ўсходняга боку плошчы. Участак плошчай 1,2 га пад будаўніцтва дома на рагу Камароўскай плошчы (пл. Я. Коласа) і вул. Дрэвааддзелачнай (сучасны бульвар імя Мулявіна) быў выдзелены Мінгаржылупраўленню рашэннем Мінгарвыканкама.  Праект дома распрацаваў вядомы беларускі архітэктар А. Духан. Галоўным інжынерам праекта быў М. Мароз.