Будынак 8-павярховы складаны ў плане. Фасады характарызуюцца сіметрычнай кампазіцыяй. Візуальна па гарызанталі падзелены на 3 ярусы. Фасадная плоскасць ніжняга яруса на ўзроўні 1-га і 2-га паверхаў члянёна прамавугольнымі і вялікімі арачнымі аконнымі праёмамі, апрацавана рустам, швы якога ўпрыгожаны вітымі паяскамі. Аконныя праёмы, размешчаныя над дзвярнымі праёмамі дэкарыраваны сандрыкамі. Асноўны акцэнт зроблены на цэнтральную частку фасада з боку плошчы. Галоўны уваход аформлены магутным прысценным порцікам, які складаюць руставаныя калоны.