Будынак

Помнік архітэктуры з элементамі класіцызму. 

Будынак быў пабудаваны як жылы дом ў пачатку XX стагоддзя каля Саборнай плошчы ў гістарычным цэнтры Магілёва. На першым паверху верагодна была крама, на другім - жылыя памяшканні. Іншых звестак не выяўлена.

Двухпавярховы прамавугольны ў плане будынак накрыты двухсхільным дахам. Фасады патынкаваны, вырашаны гладка. Прарэзаны прамавугольнымі аконнымі праёмамі без дэкору. На галоўным паўночна-ўсходнім фасадзе захаваліся лапаткі і міжпаверхавая цяга. Завершаны фасад прафіляваным карнізам. У выніку рамонтаў першапачатковы выгляд будынка страчаны.