Будынак

Пабудаваны як жылы, належыў Гурэвічу. Верхні паверх займалі жылыя кватэры, на ніжнім размяшчаліся 5 крам. У 20-х гг. 20 ст. будынак нацыяналізаваны. Доўгі час выкарыстоўваўся як жылы. Цяпер дом жылы з гандлёвымі кропкамі на 1-м паверсе.

Двухпавярховы, цагляны, прамавугольны ў плане будынак галоўным фасадам выходзіць на вул. Ленінскую. Паверхні падзелены карнізным паяском. Першы паверх галоўнага фасада дэкарыраваны рустоўкай, другі - гладкі, аконныя праёмы прамавугольныя. Сцены завершаны прафіляваным карнізам. Унутраная планіроўка анфіладная, цяпер зменена.