Будынак

Дом пабудаваны ў сярэдзіне XIX ст., як жылы. Вядомы, як дом Э.З. Левінсона. Да рэвалюцыі ў ім размяшчалася аптэка Э.З. Левінсона на першым паверсе і жылыя пакоі на другім паверсе.

У 1922 годзе пасля ад’езду ўладальніка дом быў прызнаны безнаглядным, нацыяналізаваны і ўзяты на ўлік Гарадскім жыллёвым камітэтам у 1923 г. і перададзены пад жыллё.

Па звестках на 1923 год на першым паверсе размяшчалася 1-я Саваптэка, на другім жылыя памяшканні (2 кватэры, усяго на 7 пакояў).

Будынак быў незначна пашкоджаны ў 1943 - 1944 гг. падчас Вялікай Айчыннай вайны. Быў адноўлены ў канцы 1940-х гадоў і выкарыстоўваўся ў ведамстве Гаржылкамунгаса, як камунальнае жыллё.