Будынак

Трохпавярховы П-падобны ў плане будынак. На галоўным фасадзе вугал зрэзаны, існаваўшыя ў вуглавой частцы аконныя праёмы замураваны. Фасады абліцаваны чырвонай цэглай. Гарызантальна фасады падзелены міжпаверхавымі і падаконнымі цягамі, завершаны шырокім шматслойным карнізам. Фасадная плоскасць з боку вул. Першамайскай і першага паверха з боку вул. К. Лібкнехта апрацавана пад руст. Рустоўкай таксама вылучана цэнтральная і бакавыя часткі фасада па вул. К. Лібкнехта. Па цэнтральнай восі крыла раней існавала праезная арка (цяпер замуравана). Лучковыя аконныя праёмы на першым паверсе дэкарыраваны руставанымі перамычкамі, на другім -- замковым каменем з лучковым сандрыкам і падаконнымі нішамі, на трэцім паверсе -- абрамленнем з замковым каменем.