Адпраўлена!

Памылка!

Будынак

Цiкавае

Змест

Звесткі аб каштоўнасці

Шыфр

512Е000001_9

512Е000001

Катэгорыя каштоўнасці

без катэгорыі

Глава

Матэрыяльныя нерухомыя каштоўнасці

Тып каштоўнасці

Помнiк горадабудаўнiцтва Е

Месца знаходжання

Магілёўская вобласць, г. Магілёў, вул. Камсамольская, 12

Датаванне

сярэдзіна XIX ст.

Стыль

Класіцызм

Апісанне

Будынак быў пабудаваны ў гістарычным цэнтры Магілёва на скрыжыванні вуліц Вялікая Садовая і Дваранская ў сярэдзіне XIX ст. Помнік архітэктуры з элементамі класіцызму.

Будынак мураваны, трохпавярховы, з падвальным памяшканнем, у плане першыя два паверхі П-падобныя, трэці паверх Г-падобны. Галоўным фасадам арыентаваны на вуліцу Камсамольскую. На фасад выходзяць тры балконы. Агароджы балконаў каваныя, маюць выгнутыя ажурныя канструкцыі. Будынак адзначаецца строгасцю планавага рашэння, стрыманасцю дэкаратыўнай аздобы.

Да 1917 г. ў будынку знаходзілася гасцініца “Брыстоль”. Падчас Першай Сусветнай вайны, з 1915 па 1917 гг., тут знаходзіўся штабны Сход Стаўкі Вярхоўнага галоўнакамандаючага Расійскай арміі.

У 1918 г. будынак быў заняты губземаддзелам, у 1919 г. - 5-й Савецкай сталовай. У 1922 г. тут размяшчаліся вайсковыя вучэбныя курсы Заходняга фронту. Затым у 1923 г. будынак перададзены Магілёўскаму аддзелу добраўпарадкавання. У 1928 г. тут адкрыўся палітыка-асветніцкі тэхнікум, у 1939 г. - Рэспубліканская палітасветшкола.

У першыя дні Вялікай Айчыннай вайны тут знаходзіўся ваенны шпіталь, у якім была створана адна з першых падпольных антыфашысцкіх груп “Непакораныя”.

Пасля вайны, у 1946 г., у будынку размясцілася Рэспубліканскае вучылішча імя Н.К. Крупскай, у 1990 г. - Магілёўскае вучылішча культуры імя Н.К. Крупскай, у 2001 г. - Магілёўскае дзяржаўнае вучылішча
культуры імя Н.К. Крупскай, у 2009 г. - УА “Магілёўскі дзяржаўны каледж мастацтваў”.

Зараз у гэтым будынку вучэбны корпус №1.