Адпраўлена!

Памылка!

Будынак

Цiкавае

Змест

Звесткі аб каштоўнасці

Шыфр

213Г000024_7

213Г000024

Катэгорыя каштоўнасці

без катэгорыі

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк жылой архiтэктуры

Месца знаходжання

Віцебская вобласць, г. Віцебск, вул. Дзімітрава, 28

Датаванне

кан. ХІХ - пач. ХХ стст. (да 1904 г.)

Апісанне

Будынак № 28 уваходзіць у склад комплекснай гісторыка-культурнай каштоўнасці - забудовы вул. Дзімітрава, якая знаходзіцца ў межах гістарычнага цэнтра г. Віцебска. Дом з'яўляецца яскравым прыкладам будынка перыяду эклектыкі, выкананага ў “цагляным стылі” на мяжы XIX-ХХ стст. і захаваў у сваім архітэктурным дэкоры характэрныя рысы тых часоў.

Будынак блізкі да прастакутнага ў плане, двухпавярховы, цагляны, нетынкаваны. Аб'ём будынка перакрыты двухсхільным дахам. Галоўны (заходні) фасад мае асіметрычную кампазіцыю. Гэта звязана з тым, што гістарычна будынак па сучасным адрасе вул. Дзімітрава, 28 - два домаўладання. Паўночная частка будынка ў пяць вокнаў – домаўладанне па вул. Канатнай № 50, паўднёвая частка будынка ў дзевяць вокнаў – домаўладанне па вул. Канатнай № 52. Нягледзячы на тое, што будынкі належалі розным уладальнікам, архітэктура, пластыка фасадаў стылістычна блізкія адзін аднаму.

Над тамбурам першага пад'езда захаваўся аўтэнтычны каваны кранштэйн для мацавання ліхтара (верагодней, апошні, які захаваўся ў г. Віцебску). У лесвічных клетках будынка захаваліся аўтэнтычныя лесвіцы (у тым ліку металічныя) з кованымі агароджамі.