Вуліца Дзімітрава (былая Канатная) размешчана ў гістарычна сфарміраванай Задзвінскай частцы горада Віцебска, якая ўваходзіць у склад комплекснага помніка гісторыі, горадабудаўніцтва і архітэктуры - гістарычнага цэнтра г. Віцебска. Названа ў 1933 годзе ў гонар балгарскага палітычнага дзеяча Г. М. Дзімітрава. Падчас пасляваеннай перабудовы вуліца моцна пацярпела, аднак да нашых дзён захавалася частка дарэвалюцыйнай забудовы. У "Дзяржаўны спіс гісторыка-культурных каштоўнасцей Віцебска" ўключаны дамы №№ 4, 6, 9, 21/6, 23/3, 25, 28, 30, 32 па вул. Дзімітрава.                 

3 вуліцай Канатнай звязана такая знакамітае з'ява ў гісторыі, як УНОВІС. У 1920 г. пад кіраўніцтвам Казіміра Малевіча і Лазара Лісіцкага вуліца Канатная была ўпрыгожана Супрэматычнымі карцінамі.