Будынак

Дом №3 па вул. Кірава ўяўляе сабой двухпавярховы, прамавугольны ў плане аб’ём. Дах двухсхільны, металічны. Фасад мае асіметрычную пабудову, яго дэкор даволі стрыманы і канцэнтраваны пераважна ў верхняй частцы будынка. Паверхі падзяляюцца паміж сабой вузкай паласой прафіляванай цягі з парэбрыкам. Вокны другога паверха апраўлены ў ляпные ліштвы з імітацыяй выгнутых філянговых сандрыкаў уверсе і прамавугольнымі рамкамі з вузкімі філёнгамі ўнізе. Пад дахам праходзіць прафіляваны карніз з зубчатымі элементамі. З боку двара да асноўнага аб’ёму прымыкае двухпавярховая прыбудова. Яна ўяўляе сабой выцягнуты аб'ём, фасад якога арганізаваны двума дзвярнымі праёмамі і мерным шэрагам вокнаў. Архітэктурны дэкор прыбудовы лаканічны. Дугападобнае афармленне мурам у плоскасці сцен верхняй часткі аконных праёмаў і вузкі прафіляваны цагляны карніз з "сухарыкамі" пад дахам з'яўляюцца галоўнымі яго элементамі. Інтэр’еры помніка асобнай каштоўнасці не ўяўляюць.