зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
112Е000383_28
Катэгорыя каштоўнасці
Тып каштоўнасці
Месца знаходжання
Брэсцкая вобласць, Кобрынскі раён, г.Кобрын, вул. Леніна, 21
Апісанне
Будынак размешчаны ў гістарычным цэнтры г. Кобрына, на заходнім баку былой Рыначнай плошчы. Паводле тэхнічнага пашпарта жылы дом пабудаваны ў 1895 г. Пра першапачатковы выгляд дома можна меркаваць па фатаздымку 1902 г. Будынак быў накрыты вальмавым жалезным дахам, фасады былі нетынкаваныя, падзеленыя міжпаверхавай цягай. Наяўнасць рэкламнай вывескі сведчыць аб размяшчэнні на першым паверсе гандлёвай установы. На другім паверсе на флангах фасада існавалі балконы. Над вокнамі першага паверха меліся прамыя сандрыкі. Цяпер гэтыя памяшканні выкарыстоўваюцца як гандлёвыя. Да нашых дзён будынак захаваўся без значных страт. У 2009 г. быў перакрыты дах і мадэрнізаваны фасады. Найлепш у першапачатковым выглядзе захаваўся бакавы паўночны фасад. Уваход у жылую частку дома размешчаны на паўднёвым фасадзе. Унутры на другі паверх вядзе драўляная лесвіца.
Сартаваць па