Будынак

Аднапавярховы прамавугольны ў плане будынак накрыты плоскім аднасхільным дахам. Паўднёвым фасадам прымыкае да дома № 25. Будынак №27 па вул. Леніна ўваходзіць у зону гістарычнай планіроўкі і забудовы г. Кобрына. Дом быў пабудаваны ў 1910 г. як нежылы і выкарыстоўваўся як крама. Паколькі памяшканне магазіна прымыкае з паўднёвага боку да сцяны суседняга двухпавярховага будынка №25 (1895 г.б.), можна меркаваць, што ўладальнік магазіна пражываў у будынку №25 або выкупіў зямельны ўчастак пад будаўніцтва магазіна ва ўладальніка будынка №25.  З боку дваровай часткі яшчэ ў савецкія часы была выканана цагляная прыбудова, у якой месціліся складское і санітарна-бытавое памяшканне. Аднапавярховы прамавугольны ў плане будынак накрыты плоскім аднасхільным дахам. Паўднёвым фасадам прымыкае да дома № 25. Фасады патынкаваныя, вырашаны гладка. Галоўны фасад фланкіраваны лапаткай, завершаны карнізам. Члянёны прамавугольнымі дзвярным і аконнымі праёмамі без дэкору. Першапачатковы выгляд зменены.