Будынак

 Будынак № 14 уваходзіць у склад комплекснай горадабудаўнічай гісторыка-культурнай каштоўнасці - гістарычнага цэнтра г. Кобрына. Размешчаны на тэрыторыі былога кобрынскага Ніжняга замка.  Двухпавярховы складаны ў плане будынак (прамавугольнік з 3-ма выступамі на дваровым фасадзе і прыбудовай). Накрыты вальмавым дахам. Сцены патынкаваныя, вырашаны гладка. У 1920 г. кароткі перыяд у доме знаходзіўся Кобрынскі павятовы рэўком. У пасляваенны час будынак быў прыстасаваны пад музычную школу. Захаваўся да нашага часу ў змененым выглядзе.