Будынак

Двухпавярховы прамавугольны ў плане будынак. Накрыты двухсхільным дахам. Устаўкай з праезнай аркай злучаны з домам № 16 на пл. Свабоды. Галоўны фасад устаўкі мураваны, дваровы -- драўляны. Асноўны аб'ём будынка мураваны, фасады патынкаваныя. Вуглы будынка і праезная арка на галоўным фасадзе вылучаны фігурнымі лапаткамі. Фасадная плоскасць першага паверха члянёна шырокімі аконнымі і дзвярным праёмамі. Слабавыражаныя лучковыя вокны на другім паверсе падкрэслены падаконнымі карнізамі і нішамі. Над праезнай аркай арачны аконны праём у шырокай прафіляванай ліштве. Завершаны фасад шматслойным карнізам.

З боку дваровага фасада сучасная прыбудова з сілікатнай цэглы. Планіроўка зменена.