Будынак

Будынак уваходзіць у склад забудовы гістарычнага цэнтра г. Кобрына. Пабудаваны ў міжваенны перыяд, у стылі канструктывізму. У розных крыніцах згадваюцца дзве даты пабудовы дома - 1920 г. (Генплан развіцця горада Кобрына - БелНДІПГорадабудаўніцтва, 2003 г.) i 1930 г. (Тэхнічны пашпарт БТІ). 

Будынак мае i мемарыяльнае значэнне. У ім з 1964 г. па 1970 г. жыў легендарны лётчык Мілан Настасіч - гонар трох дзяржаў - Югаславіі, СССР i Беларусі. Яго імем названа вуліца ў Кобрыне. Фасады будынка атынкаваны. Цокаль і прыбудова абліцаваны гранітным каменем. Аконныя праёмы правільных геаметрычных формаў. Дах плоскі рубероідны.