Будынак

Двухпавярховы прамавугольны ў плане будынак накрыты двухсхільным дахам з люкарнамі. Фасады патынкаваныя акрамя тыльнага, маюць шматлікія сляды пераробак. Галоўны фасад фланкіраваны шырокімі лапаткамі. Прамавугольныя аконныя праёмы дэкарыраваны падаконнымі карнізамі і нішамі (частка аконных праёмаў замуравана). Двухсхільны дах утварае на галоўным фасадзе трохвугольны франтон. Плоскасць франтона прарэзана 2-ма аконнымі праёмамі мансарды без дэкору. На бакавых фасадах аконныя праёмы (частка акон замуравана) з падаконнымі карнізнымі паяскамі, на заходнім фасадзе з падаконнымі нішамі. Па перыметры будынак апаясаны міжпаверхавай цягай, прафіляваным вянчальным карнізам. З боку тыльнага фасада зроблены прыбудовы, фасады з чырвонай цэглай, аконныя праёмы аформлены клінчатымі перамычкамі. Шматлікія пераробкі і рамонты сказілі першапачатковы выгляд будынка.