зваротная сувязь
Калі вы заўважылі недакладнасць, ці маеце пытанне - лістуйце:
Калі ласка, прадстаўцеся
Як з вамі звязацца?
Увядзіце карэктны email
Пра што вы хацелі даведацца?

Адпраўлена!

Памылка!

Будынак

Шыфр

213Г000038_16

Катэгорыя каштоўнасці

Тып каштоўнасці

Падтып каштоўнасці

Месца знаходжання

Віцебская вобласць, г. Віцебск, вул. Кірава, 17

Датаванне

1957 - 1959 гг.

Стыль

Сталінскі ампір

Апісанне

Пяціпавярховы Г-падобны ў плане будынак. Вуглавая частка вырашана вышэйшым сяміпавярховым аб'ёмам накшталт вежы. Фасадная плоскасць вежы апрацавана рустам. Цягай падзелена на два ярусы. Верхні сёмы паверх дэкарыраваны пілястрамі карынфскага ордэра, прарэзаны высокімі арачнымі аконнымі праёмамі. Крыло па вул. Ільінскага мае цокальны паверх. Бакавыя крылы гарызантальна падзелены міжпаверхавай цягай паміж 3-4-м паверхамі, падаконнай цягай пад вокнамі 4-га паверха. Сцяна на вышыню трох паверхаў апрацавана рустам. На фасадзе па вул. Кірава на 1-м паверсе шырокія вітрынныя праёмы чаргуюцца з прамавугольнымі вокнамі. На ўзроўні 2-га паверха, размешчаныя над вітрыннымі праёмамі вокны дэкарыраваны прафіляванымі арачнымі абрамленнямі. На 4-м паверсе маюцца балконы з балюстраднымі агароджамі на дэкаратыўных ляпных кранштэйнах (часткова страчаны). Дзвярныя праёмы балконаў дэкарыраваны ліштвамі з трохвугольнымі сандрыкамі. Крыло па вул. Ільінскай цалкам жылое. Рытм фасада ствараюць прамавугольныя аконныя праёмы і балконы на 3-м і 4-м паверхах. Завершаны фасады карнізам з дэнтыкуламі. Па краю даху вежы праходзіць парапет. Дваровы фасад абліцаваны сілікатнай цэглай.