Шыфр
113Г000395_3
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1902 г.
Апісанне
Гістарычная забудова вул. Першамайскай прадстаўлена ў асноўным жылымі і грамадскімі будынкамі канца ХІХ – пачатку ХХ ст. і 1920 – 1930-х гг. Гэта пераважна аднапавярховыя адной стылістыкі дамы, размешчаныя па лініі вуліцы, некаторыя мелі мансардныя паверхі. Да нашага часу на вуліцы захоўваецца маштабная малапавярховая забудова.
Будынак № 13 пабудаваны ў 1902 г. па некаторых звестках як гасцініца.
Аднапавярховы прамавугольны ў плане будынак накрыты двухсхільным дахам. Фасады патынкаваныя і пафарбаваныя. Галоўны і бакавы заходні фасады маюць падобнае архітэктурнае рашэнне: вуглы акцэнтаваны плоскімі лапаткамі, лучковыя аконныя праёмы дэкарыраваны ліштвамі з лучковымі сандрыкамі. Цэнтральнае акно на галоўным фасадзе вылучана шырокай плоскай рамай, перароблена з дзвярнога праёма. На бакавым заходнім фасадзе крайні справа праём замураваны, ліштва захавалася.