Шыфр
112Е000529_88
Катэгорыя каштоўнасці
Тып каштоўнасці
Месца знаходжання
Брэсцкая вобласць, г. Пінск, вул. Леніна, 20
Датаванне
1923 год
Стыль
не вызначаны
Апісанне
Пабудавны ў пачатку ХХ ст. Вядомы як гатэль “Парыж”
Будынак размешчаны на рагу вул. Леніна і вул. Казіміра Свёнтака. Двух-трохпавярховы будынак са зрэзанай вуглавой часткай, акцэнтаванай балконам поліганальнай формы. Фасады вырашаны стрымана. Фасад па вул. Леніна падзелены міжпаверхавай цягай, прарэзаны прамавугольнымі аконнымі праёмамі без ліштваў. З левага краю фасада размешчаны дзвярны праём. Фасад трохпавярховай часткі па вул. Казіміра Свёнтака завершаны трохвугольным франтонам, апаясаным прафіляваным карнізам. Узбагачаюць фасад два балконы з ажурнымі агароджамі. Фасады падзелены міжпаверхавымі цягамі, завершаны карнізам. Прамавугольныя аконныя праёмы без дэкору, на месцы двух вокан нішы. Мастацкую вобразнасць фасадаў ствараюць рознавялікія аб'ёмы, прамавугольныя аконныя праёмы і балконы з ажурнымі агароджамі.
Да крыла па вул. Казіміра Свёнтака прыбудаваны пазнейшыя карпусы.