Шыфр
112Е000529_104
Катэгорыя каштоўнасці
Тып каштоўнасці
Падтып каштоўнасці
Месца знаходжання
Брэсцкая вобласць, г. Пінск, вул. Леніна, 39
Датаванне
1853-1854 годзе
Стыль
не вызначаны
Апісанне
Будынак быў пабудаваны з 1851 па 1853 год “Правадыром дваранства Пінскага павета” Аляксандрам Фамічом Скірмунтам, як шляхецкае пяцікласнае вучылішча. 3 1 жніўня 1858 года на яго базе была створана сямікласная гімназія з правам паступлення яе выпускнікоў ва ўніверсітэты. Колькасць вучняў складала 300 чалавек. У гэтым будынку ў другой палавіне дня праходзілі заняткі прыватнай жаночай гімназіі, якая была адкрыта па дазволу Віленскай Навучальнай Акругі 11 верасня 1860 года. Пасля паўстання 1861 года, і ўдзелу ў ім вучняў гімназіі, настаўнікі польскай нацыянальнасці былі зволены з працы, а гімназія атрымала статус рэальнага вучылішча, без права паступления выпускнікоў ва ўніверсітэты. 3 1865 года гімназія атрымала статус рэальнага вучылішча. Пасля далучэння Заходняй Беларусі да Польшчы ў 1921 годзе, у будынку размясцілася дзяржаўная мужчынская гімназія. У час нямецкай акупацыі будынак займалі ваенныя ўлады. Тут размяшчаўся Ландшутцбатальён №476. Пры вызваленні горада ў 1944 годзе будынак быў моцна пашкоджаны. Пасля яго аднаўлення ў ім размясцілася школа № 2, а затым аддзел адукацыі Пінскага гарвыканкама.