Адпраўлена!

Памылка!

Будынак

Цiкавае

Змест

Звесткі аб каштоўнасці

Шыфр

112Е000529_129

112Е000529

Катэгорыя каштоўнасці

без катэгорыі

Глава

Матэрыяльныя нерухомыя каштоўнасці

Тып каштоўнасці

Помнiк горадабудаўнiцтва Е

Месца знаходжання

Брэсцкая вобласць, г. Пінск, вул. Першамайская, 15

Датаванне

1927 г.

Апісанне

Двухпавярховы мураваны будынак быў пабудаваны Пінскай епархіяй на пачатку ХХ ст., пасля стварэння Палескай епархіі рускай аўтакефальнай праваслаўнай царквы ў Польшчы ў жніўні 1922 года Саборам праваслаўных епіскапаў на частцы тэрыторыі былой Пінска-Навагрудскай епархіі. Першапачаткова ў 1927 годзе на руінах былога кляштара дамініканцаў з выкарыстаннем яго сутарэнняў па праекту інжынера-архітэктара Пакалюка быў пабудаваны двухпавярховы прамавугольны ў плане будынак у польскім “закапанскім” стылі. У 1935 годзе быў распрацаваны новы праект, архітэктура якога адпавядала Св. Фёдараўскаму сабору, выкананаму ў класічным стылі. У 1938 годзе рэканструкцыя была завершана. З прыходам савецкай улады ў Заходнюю Беларусь у 1939 годзе, згодна пастановы Савета Народных Камісараў у 1940 годзе будынак быў муніцыпалізаваны. У 1942 годзе нямецкія акупацыйныя ўлады вярнулі будынак праваслаўнай царкве. У ім размясцілася канцылярыя Пінскай i Палескай мітраполіі пад кіраўніцтвам мітрапаліта ўладыкі Аляксандра, а таксама царква Св. Мікалая. У апошнія дні перад адступленнем нямецкіх войскаў з горада будынак быў разрабаваны. Усяго, па ацэнцы спецыяльнай камісіі, страты склалі 1 545 000 рублёў.

Пасля вызвалення горада да 1950-х гадоў будынак належыў царкве, а затым быў перададзены на баланс Пінскага Гаркамгаса. У ім размясцілася Дзіцячая кансультацыя Дзіцячай бальніцы. У 1983 годзе, пасля капітальнага рамонту, у будынку размясціўся аддзел аховы здароўя гарвыканкама. Згодна рашэнню Пінскага гаркама ад 19.04.1991 года будынак быў вернуты Пінскай eпapxii.