Адпраўлена!

Памылка!

Будынак

Цiкавае

Змест

Звесткі аб каштоўнасці

Шыфр

112Е000529_143

112Е000529

Катэгорыя каштоўнасці

без катэгорыі

Глава

Матэрыяльныя нерухомыя каштоўнасці

Тып каштоўнасці

Помнiк горадабудаўнiцтва Е

Месца знаходжання

Брэсцкая вобласць, г. Пінск, вул. Савецкая, 4

Датаванне

1902 г.

Апісанне

Будынак па вуліцы Савецкай, 4 прадстаўляе сабой двухпавярховае мураванае прамавугольнае ў плане збудаванне.

Новы мураваны двухпавярховы дом быў пабудаваны ў 1901 - 1902 гг. на месцы згарэўшага пад час пажару драўлянага дома. Пасля завяршэння будаўніцтва ў доме, апрача жылля, на другім паверсе была адкрыта гасцініца “Брыстоль” на шэсць нумароў з кухняй без продажу моцных напояў. Пазней на першым паверсе быў адкрыты шынок.

Згодна “Спісу плацельшчыкаў падаткаў за 1933 год” уладальнікі нерухомасці па вуліцы Бернардзінскай, 8 займалі ў доме пять пакояў і кухню. На першым паверсе размяшчалася карчма. Два пакоі і кухню арэндаваў Гарбуз Лейба. На другім паверсе чатыры пакоі і кухню займала яўрэйская арганізацыя “Кібуц”.

У 1940 г. двухпавярховы мураваны дом з драўлянай прыбудовай і драўляным хлявом былі муніцыпалізаваны.

У пасляваенны час у ходзе рэканструкцыі ўсе памяшканні былі перапланіраваны пад кватэры. Быў замураваны арачны праезд у двор з правага боку будынка. Пры рэканструкцыі дома ў 1987 годзе дваровая частка будынка была разабрана. Калідорная сістэма былога атэля была нязручнай для планіроўкі кватэр.