Шыфр
112Е000529_94
Катэгорыя каштоўнасці
Тып каштоўнасці
Месца знаходжання
Брэсцкая вобласць, г. Пінск, вул. Леніна, 26
Датаванне
Канец XIX - пачатак XX стагоддзя
Стыль
не вызначаны
Апісанне
Існуючы двухпавярховы мураваны будынак пабудаваны на мяжы дзевятнаццатага і пачатку дваццатага стагоддзяў. Яго можна бачыць на фотаздымках 1910-х гадоў. У час пажару 7 жніўня 1921 года быў значка пашкоджаны. Адбудова пачалася адразу, але са значнымі парушэннямі будаўнічага ўставу. Загадам галоўнага архітэктара горада Хжаноўскага будаўніцтва было апячатана і спынена. Пасля заканчэння адбудовы ў ім размясцілася аптэка. Двухпавярховы выцягнуты ў двор будынак накрыты вальмавым дахам з мансардамі. Фасады атынкаваныя, прарэзаны прамавугольнымі аконнымі праёмамі. На галоўным фасадзе вокны першага паверха дэкарыраваны прамымі сандрыкамі, другога паверха -- прафіляваным абрамленнем. Вуглы будынка вылучаны плоскімі лапаткамі. Галоўны фасад падзелены міжпаверхавай цягай, завершаны карнізам. Асіметрычна на галоўным фасадзе размешчаны балкон з металічнай ажурнай агароджай. Другі паверх, верагодна, надбудаваны пазней.