Будынак

Дом па вул. Ажэшкі № 34 пабудаваны ў пачатку XX ст. Магчыма, дом Шышкевіча ці Кавалеўскага. Узор шараговай забудовы ў стылі эклектыкі. Будынак двухпавярховы з сутарэннямi, накрыты двухсхiльным дахам. Галоўны фасад не тынкаваны, пафарбаваны па цэгле. Мае сіметрычную кампазіцыю. Па краях фасада размешчаны праезныя арачныя праёмы, цяпер з левага боку фасада праём замураваны і замест яго зроблены аконны, справа -- праём замураваны з боку дваровага фасада і ў атрыманым памяшканні знаходзіцца магазін.