зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
412Г000005_5
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1795 г.
Стыль
Эклектыка
Апісанне
Будынак мае складаную гісторыю будаўніцтва. На плане горада канца 18 ст. на гэтым месцы ўжо паказаны мураваны бровар пана Валовіча. У 1812 г. будынак быў прыстасаваны пад шпіталь. На плане 1823 г. паказаны ранейшых абрысаў мураваны будынак, аднак сказана, што належаў ён ксяндзам баніфратам. Наступны план г. Гродна, датуемы 1830-мі гадамі, сведчыць, што да тыльнага фасада бровара была зроблена невялікая прыбудова. У 1857 г. пад наглядам губернскага архітэктара В. Міхаэліса будынак быў перабудаваны пад акруговую лячэбніцу. Паводле дакумента 1886 г. пляц з будынкам належаў купцу Янкелю Фрумкіну. Але ў ім па-ранейшаму знаходзілася лячэбная ўстанова (гарадскі шпіталь). У 1891 г. гарадская ўправа зацвердзіла праект істотнай перабудовы будынка. На галоўным фасадзе ўзведзены тры рызаліты, у цэнтры будынка над аперацыйнай залай з'явіўся купал, пластыка фасадаў ўзбагачана дэкорам. У такім выглядзе будынак захаваўся да нашага часу. Праўда, у выніку рамонта ў 1970-я гг. быў страчаны купал, балконы. У 1920-я гг. у будынку, які па ранейшаму належаў спадчыннікам Фрумкіна, размясцілася Паштова-Тэлеграфнае упраўленне, на першым паверсе -- Гандлёва-прамысловае таварыства. Пасля Другой сусветнай вайны тут знаходзіцца аддзяленне сувязі.
Будынак двухпавярховы, П-падобны ў плане, асiметрычнай аб'ёмна-прасторавай кампазіцыі, накрыты вальмавым дахам. Сцены атынкаваныя. Бакавыя i цэнтральны несапраўдныя рызалiты завершаны фiгурнымi атыкамi, дэкарыраванымі нішамі, валютамі. На ўзроўні другога паверха плоскасць рызалітаў крапавана лапаткамі, апрацаванымі фактурнай тынкоўкай.
Сартаваць па