Адпраўлена!

Памылка!

Будынак

Цiкавае

Змест

Звесткі аб каштоўнасці

Шыфр

212Е000600_12

212Е000600

Катэгорыя каштоўнасці

без катэгорыі

Глава

Матэрыяльныя нерухомыя каштоўнасці

Тып каштоўнасці

Помнiк горадабудаўнiцтва Е

Падтып каштоўнасці

Помнiк грамадскай архiтэктуры

Месца знаходжання

Віцебская вобласць, Полацкі раён, г. Полацк, вул. Краснова, 26

Датаванне

1901 - 1903 гг.

Стыль

Эклектыка

Апісанне

Будынак уваходзіць у склад забудовы гістарычнага цэнтра г. Полацка. Фактычна адзіны гістарычны будынак, які захаваўся на Запалоцкім пасадзе. З’яўляецца прыкладам пабудоў грамадзянскай архітэктуры канца ХІХ – пачатку ХХ ст. так званага цаглянага стылю.

Прадстаўляе сабой мураваны аднапавярховы прамавугольны ў плане будынак на невысокім бутавым цокалі. Накрыты двухсхільным дахам. Фасады нетынкаваныя, змураваныя з чырвонай цэглы. Архітэктурны дэкор выкананы ў тэхніцы цаглянай муроўкі.

Па звестках полацкіх краязнаўцаў, будынак быў пабудаваны як жаночая багадзельня і сіроцкі прытулак. Будаўніцтва дзіцячага прытулку было здзейснена па ініцыятыве Полацкага брацтва ў імя свяціцеля Мікалая і прападобнай княжны Полацкай Еўфрасінні. Будаўніцтва брацкага дома для дзіцячага прытулку пачалося вясной 1901 г. Жаночая багадзельня размясцілася ў брацкім доме ў лістападзе 1902 г., а дзіцячы прытулак быў урачыста адкрыты 2 лістапада 1903 г.

Дакладныя звесткі аб выкарыстанні будынка ў даваенны перыяд не выяўлены.

У Вялікую Айчынную вайну будынак захаваўся. У 1949 г. быў адрамантаваны. Рашэнне вулічных фасадаў у цэлым захавалася гістарычнае. Часткова перамураваны галоўны фасад з левага краю з захаваннем дэкору і бакавы паўночна-заходні фасад. Большым перабудовам у пасляваенны перыяд падвергся тыльны фасад. Да фасада зроблены прыбудовы тамбураў, частка фасада патынкавана, асобныя аконныя праёмы перароблены. Часткова зменена ўнутраная планіроўка.