Адпраўлена!

Памылка!

Будынак

Цiкавае

Агульны выгляд з паўднёва-заходняга боку. Фота 2024 г.

Змест

Звесткі аб каштоўнасці

Шыфр

212Е000600_35

212Е000600

Катэгорыя каштоўнасці

без катэгорыі

Глава

Матэрыяльныя нерухомыя каштоўнасці

Тып каштоўнасці

Помнiк горадабудаўнiцтва Е

Падтып каштоўнасці

Помнiк жылой архiтэктуры

Месца знаходжання

Віцебская вобласць, Полацкі раён, г. Полацк, пр. Францыска Скарыны, 11

Датаванне

1952 г.

Апісанне

Будынак № 11 па пр-це Ф. Скарыны ўваходзіць у склад гістарычнага цэнтра г. Полацка. Гэта мураваны чатырохпавярховы з падвалам Г-падобны ў плане будынак. Для яго будаўніцтва, хутчэй за ўсё, быў распрацаваны індывідуальны праект, або паўторна выкарыстаны.

У забудове праспекта Ф. Скарыны 1950-х гг. будынак вызначаецца сваім архітэктурным рашэннем. У афармленні фасадаў выкарыстаны характэрныя для таго перыяду кампазіцыйныя прыёмы: чляненні фасадаў па гарызанталі і вертыкалі, раскрапоўка падоўжных фасадаў каб пазбегнуць манатоннасці лапаткамі і франтонамі ў завяршэнні, акцэнтаванне вуглавых частак, аб'яднанне вітрынных вокан калонамі і карнізамі ў блокі, спалучэнне балконаў з рознымі тыпамі агароджаў. На фасадах шырока выкарыстаны ляпныя элементы. Упрыгожванне лапатак ляпнымі арнаментальнымі стужкамі сустракаецца і ў іншых гарадах Беларусі, напрыклад, Мінску, Гомелі.

Завершана будаўніцтва жылога дома ў 1952 г. За час эксплуатацыі будынка значных перабудоў не адбывалася. Заменена запаўненне ў большасці аконных і дзвярных праёмаў, замураваны два дзвярныя праёмы на першым паверсе.