Будынак

Будынак уваходзіць у склад забудовы гістарычнага цэнтра г. Полацка, яго магістральнага праспекта.

Мураваны жылы дом на месцы будынка пад сучасным № 18 быў пабудаваны ў сярэдзіне - другой палове XIX ст. Найбольш ранняе яго ўпамінанне ў дакументальных крыніцах сустракаецца ў 1859 г.

Жылы дом быў двухпавярховы з падвалам. Як выглядаў жылы дом у другой палове XIX — пачатку XX ст. дакладных звестак не выяўлена. 

У 1901 - 1902 гг. будынак дабудаваны з боку дваровага фасада. 

Свой сучасны выгляд жылы дом атрымаў падчас аднаўлення пасля Вялікай Айчыннай вайны ў канцы 1940-х - пачатку 1950-х гадоў. Будынак быў адноўлены ў спрошчаным выглядзе з прымяненнем толькі руставаных лапатак і руставанага партала, атыка. На аконных праёмах паўпадвала захаваліся простыя ліштвы.