зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
212Е000600_47
Катэгорыя каштоўнасці
Тып каштоўнасці
Падтып каштоўнасці
Месца знаходжання
Віцебская вобласць, Полацкі раён, г. Полацк, вул. Энгельса, 3
Датаванне
ХІХ ст
Апісанне
Будынак № 3 размешчаны ў гістарычным цэнтры Полацка на Вялікім пасадзе. Вялікі пасад старажытнага Полацка пачаў фарміравацца ў ХІ – ХІІ стст. Да сярэдзіны ХVIII ст. у гэтай частцы горада ўжо склалася прамавугольная сістэма вуліц. На планах горада другой паловы – канца XVIII ст. вул. Надзвінская (цяпер Энгельса) ужо зафіксавана. Па звестках полацкіх краязнаўцаў, будынак № 3 быў пабудаваны ў пачатку ХІХ ст.
У Вялікую Айчынную вайну будынак захаваўся. На плане г. Полацка 1947 г. пазначаны як двухпавярховая мураваная каробка. У 1950 г. быў адноўлены. Габарыты будынка і элементы дэкору былі захаваны. Спачатку выкарыстоўваўся як жылы дом, затым як адміністрацыйна-бытавы. Цяпер у доме размешчаны Музей сярэднявечнага рыцарства.
Мураваны аднапавярховы з цокальным паверхам прамавугольны ў плане будынак. На дваровым фасадзе з паўночнага боку існуе невялікая прыбудова. Накрыты пакатым вальмавым дахам, прыбудова ў двары – аднасхільным.
Сартаваць па