Будынак

Будынак па вул. Савецкая №17А (вул. Калючынская № 9) — Год пабудовы — 1895. Двухпавярховы прамавугольны ў плане будынак накрыты двухсхільным дахам. Фасады патынкаваныя, вырашаны спрошчана. Фасад, арыентаваны на вул. Калючынскую, фланкіраваны лапаткамі, падзелены цягай, завершаны прафіляваным карнізам. Прамавугольныя аконныя праёмы без дэкору. На другім паверсе ў цэнтры размешчаны балкон з металічнай агароджай. Фасад, арыентаваны ў агульны двор домаўладанняў па вул. Савецкай, 17, 17а,17Б, тынкаваны, таксама падзелены міжпаверхавай цягай.