зваротная сувязь
Калі вы заўважылі недакладнасць, ці маеце пытанне - лістуйце:
Забудова вул. Савецкай
Шыфр
412Г000665
комплексны аб’ект
Дадзеная каштоўнасць мае ў комплексе некалькі аб'ектаў.
Катэгорыя каштоўнасці
Тып каштоўнасці
Падтып каштоўнасці
Месца знаходжання
Гродзенская вобласць, г. Гродна, вул. Савецкая
Апісанне
Вуліца Савецкая адна з самых старажытных вуліц Гродна. Пачала фармавацца яшчэ ў ХІІІ-XIV стст., як вуліца, якая праводзіла ад Замка, а пазней і з Рынку (сучасная пл. Савецкая) на Віленскі гасцінец. Самая старажытная назва вуліцы - Віленская.
Напрыканцы XVІІІ ст. вуліца называлася Дамініканскай, паколькі на гэтай вуліцы ў XVІІ ст. быў пабудаваны касцёл і кляштар айцоў дамініканаў. У сярэдзіне ХІХ ст. вуліца называлася Гімназіяльнай (ад месцазнаходжання на ёй мужчынскай гімназіі), пазней, Саборнай, паколькі праводзіла да праваслаўнага сабора, перабудаванага са старажытнай рэнесанснай каталіцкай фары. У міжваенны перыяд вуліца называлася Дамініканскай, на ўспамін пра кляштар айцоў дамініканаў, а ў гады нямецкай акупацыі - Гіндэнбургштрасэ. У савецкі час вуліца стала называцца Савецкай.
На вуліцы ўжо ў канцы XV ст. існавала даволі шчыльная забудова, як каменная, так і фахверкавая. У першай палове XVII ст. на заходнім вулічным баку быў закладзены кляштар дамініканцаў. З кан. XVIІІ ст. называецца Дамініканскай.
У 1860 г. (па іншых звестках – у 1876 г.) па вул. Дамініканскай быў пракладзены водаправод. З 1874 г. паводле праекта рэканструкцыі Гродна губернскага архітэктара Гур’ева вуліца забудоўвалася толькі мураванымі дамамі, якія належалі пераважна купцам і прадпрымальнікам. Сучасны выгляд вуліца пачала набываць пасля пажару 1885 г.
У гады вайны моцна пацярпелі будынкі пад №№ 2–8, якія потым былі знесены.
Сартаваць па
Аб'екты, якія ўваходзяць у склад дадзенай каштоўнасці (комплекснага аб'екта)
