Будынак

Будынак знаходзіцца на тэрыторыі Коннай плошчы. Двухпавярховы мураваны Г-падобны ў плане будынак на высокім цокалі. Накрыты вальмавым дахам. Сцены неатынкаваныя. Дэкаратыўнае афармленне будынка выканана ў тэхніцы цаглянай муроўкі. Фасад падзелены міжпаверхавай цягай. Рады акон падкрэслены падаконнымі цягамі. На першым паверсе лучковыя аконныя праёмы дэкарыраваныя простымі ліштвамі з падаконнымі філёнгамі і трохвугольнымі сандрыкамі. Бакавыя акно і дзвярны праём вылучаны паўкруглымі сандрыкамі. На другім паверсе лучковыя аконныя праёмы ў ліштвах з замковым камнем, палаконнымі філёнгамі і прамымі сандрыкамі. На дваровым фасадзе аконныя праёмы аформлены клінчатымі перамычкамі.