Забудову Смаленскай плошчы складаюць будынкі №№ 2, 4, 8, 10, 12 пераважна цотнага боку плошчы, на няцотным баку захаваўся толькі будынак № 3. Смаленская плошча ўзнікла ў XIX ст. на мяжы горада і першапачаткова называлася Кавальскай, пазней Коннай. Комплекс будынкаў з'яўляецца яркім прыкладам гарадской забудовы мяжы XIX - ХХ стст. з характэрным для таго часу дэкорам, які выкананы ў тэхніцы цаглянай муроўкі.

Архітэктура будынкаў Смаленскай плошчы дае магчымасць уявіць, як выглядала забудова адной з старадаўніх для Віцебска акопных плошчаў.