Будынак

Мураваны двухпавярховы прамавугольны ў плане будынак. Ваконныя і дзвярныя праёмы першага паверха прамавугольнай формы. Адно з вокнаў, размешчанае ў акцэнтуемай частцы фасада, арачнага тыпу і дэкаравана калонамі з замкавымі камянямі. Вуглы будынка таксама дэкараваны замкавымі камянямі. Ваконныя і дзвярныя праёмы другога паверха арачныя. Пад вокнамі праходзіць прафіляваная цяга з дэкаратыўнымі выступаючымі элементамі прамавугольнай формы і паяскамі з какошнікаў. Ваконныя праёмы дэкараваны ліштвой і сандрыкамі. Франтон шматузроўневы з шматступенчатымі зубчыкамі. Фасад будынка раздзелены міжпавярховым поясам, прафіляваным дэкаратыўнымі элементамі ў выглядзе парэбрыка.