Будынак

Будынак па вуліцы Мураўёўскай, 53 (сёння па вуліцы Сацыялістычнай, 71) належаў гандляру рыбай Евелю Залманавічу Рабкіну. Частку памяшканняў гаспадар здаваў ў арэнду. На фотаздымку пачатку ХХ ст. чытаецца надпіс “Мануфактурная торговля Р. Иосимова”. Згодна дэкрэту Савецкага ўрада «Об отмене частной собственности на недвижимость в городах» у  Бабруйску ў першай палове 1919  г. была праведзена муніцыпалізацыя прыватнага жылля, у тым ліку і дома Е. Рабкіна.

У цяперашні час у будынку размяшчаюцца крамы “Пан директор” і “Царское золото”.

Мураваны аднапавярховы дом быў пабудаваны на вуліцы Мураўёўскай, на тэрыторыі, якая адносілася да Слуцкага фарштата.  Гэта быў прамавугольны ў плане будынак накрыты двухсхільным дахам. Ваконныя і дзвярныя праёмы прамавугольнай формы. Плоскасць фасада дэкараваная пілястрамі, аб’яднанымі адзіным шырокім фрызам з двума радамі зубчыкаў.