зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
513Е000774_33
Катэгорыя каштоўнасці
Тып каштоўнасці
Месца знаходжання
Магілёўская вобласць, г. Бабруйск, вул. Сацыялістычная, 85
Датаванне
Пачатак ХХ ст.
Стыль
Цагляны стыль
Апісанне
Будынак па вуліцы Мураўёўскай, 65 (сёння Сацыялістычнай, 85) належыў вядомаму ў асяроддзі хасідскіх яўрэяў купцу 1-й гільдыі Давіду Моўшавічу Барбашу, які гандляваў мануфактурнымі таварамі. Новы мураваны двухпавярховы дом ён пабудаваў пасля пажару, ў 1904 г. На 1 паверсе знаходзіўся магазін мануфактурных тавараў, на 2 паверсе - жылыя памяшканні. Акрамя мануфактурнай крамы Д. Барабаша ў 1904 г. у яго доме на першым паверсе знаходзілася крама бакалейных тавараў Гітэле Каплан і крама садавіны Мовшы Вакселя. І ў наступныя гады памяшканні ў доме здаваліся ў арэнду.
У цяперашні час у будынку знаходзіцца крама “Сказ”, майстэрня па рамонце гадзіннікаў і жылыя кватэры.
Дом па вуліцы Мураўёўскай, 65 (сёння Сацыялістычнай, 85) уяўляе сабой мураваны двухпавярховы, Г-падобны ў плане будынак. Галоўным з’яўляецца ўсходні фасад будынка, які выходзіць на Сацыялістычную вуліцу (былую Мураўёўскую). Дэкор першага паверха амаль цалкам страчаны. Ваконныя праёмы, высечаныя пад вітрыны, як і дзвярныя, маюць прамавугольную форму. Вокны другога паверха арачныя з замкавымі камянямі і мініяцюрнымі трохвугольнымі прафіляванымі сандрыкамі. Другі паверх багата дэкараваны лякальнай цэглай: паясы з парэбрыкам, зубчатыя фрызы пад карнізам. Захаваліся 2 балконы з каванай агароджай з валютападобнымі завіткамі.
Будынак ушчыльную прыбудаваны да суседніх будынкаў. Дваровыя фасады амаль без дэкора, аздоблены прафіляваным карнізам з зубчыкамі і міжэтажным поясам.
Сартаваць па