Будынак

Мураваны двухпавярховы будынак быў пабудаваны ў 1899 г. на вуліцы Мураўёўскай. Падчас пажару 1902 г. маёмасць пацярпела, засталіся толькі сцены мураванага дома. У пачатку ХХ стагоддзя ў будынку размяшчалася суконна-мануфактурная крама М.Дайон, агенцтвы страхавых таварыстваў, аптэка Н.В.Райгродскага. На 2 паверсе ў 1913 г. здымалі кватэры доктар А.Паперна, зубны доктар Н.Ліўшыц. У 1919 г.будынак быў нацыяліназаваны. У 1920-я гг. у доме размяшчалася упраўленне унутраных спраў. У гады нямецка-фашысцкай акупацыі ў будынку знаходзілася ўпраўленне рускай паліцыі. Будынак быў часткова разбураны ў 1944 г. Пасля аднаўлення ў 1948 г. ён быў перададзены тыпаграфіі і атрымаў назву “Дом паліграфіі”.