Будынак

29 кастрычніка Шмарый Хаімаў Бейлін разам з жонкай Мэрай Сімхавай набывае на вуліцы Адамаўскай пляц зямлі плошчай 291 квадратная сажань. Мураваны аднапавярховы, прамавугольны  ў плане будынак у стылі неакласіцызма быў пабудаваны ў паўночнай частцы квартала па перыметры забудовы ў 1910 г.

У аднапавярховым уласным будынку па вул. Адамаўскай, 21 (сёння па вул. Камсамольская, 41) размяшчалася прыватная банкірская кантора Ш.Х. Бейліна, у доме пражывала і сям’я гаспадара. У пачатку ХХ стагоддзя ў цэнтры будынка размяшчалася зала для банкаўскіх аперацый з падвалам пад ім.  Сам гаспадар  Шмарый Хаімаў Бейлін жыў  у гэтым жа будынку. Напярэдадні Вялікай Айчыннай вайны ў будынку знаходзіўся раённы ваенкамат. Падчас акупацыі нямецка-фашысцкімі захопнікамі  тут была створана біржа працы. На доме ў 1975 г. была ўсталявана шыльда ў памяць аб дзейнасці ў 1941-1942 гг. падпольнай групы пад кіраўніцтвам камуніста А. К. Калеснікава. 

У цяперашні час у будынку размяшчаецца крама бытавой тэхнікі і электронікі.