Будынак

Мураваны двухпавярховы, прамавугольны ў плане будынак. Ваконныя праёмы на фасадах разнастайныя: прамавугольныя з лучковымі перамычкамі, арачныя. На ўсходнім фасадзе будынка захавалася круглае акно ў цэнтры кампазіцыі, што характэрна для малітоўных дамоў іудзеяў пачатку ХХ стагоддзя.

Фасады дэкарыраваны фланкіруючымі руставанымі лапаткамі, лучковымі сандрыкамі  і паўналічнікамі, арачнымі прафіляванымі апраўленнямі вокнаў, падваконнымі цягамі з сухарыкамі, моцна развітымі карнізамі з нішамі, парэбрыкам, кранштэйнамі, ступенчатымі арачкамі. Адноўлены ў 1948 г. Будынак выкананы ў цагляным стылі. Першапачаткова фасады не былі атынкаваныя, фарбай белага колера былі пафарбаваны толькі дэталі дэкора.