зваротная сувязь
Калі вы заўважылі недакладнасць, ці маеце пытанне - лістуйце:
Будынак Дзяржаўнага ўніверсальнага магазіна
Шыфр
712Г000169
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1951 г.
Апісанне
Дзяржаўны ўніверсальны магазін адносіцца да ліку найбольш выразных грамадскіх будынкаў на праспекце Незалежнасці -- помніку савецкага горадабудаўніцтва. Праект будынка ўнівермага распрацавалі ў канцы 1940-х гг. архітэктары Р. Гегарт і Л. Мелегі. Трэба адзначыць, што будынак ГУМа адзін з першых асобна размешчаных спецыялізаваных будынкаў гандлю ў Мінску. Магазіны і прадпрыемствы грамадскага харчавання будаваліся пераважна на першых паверхах жылых дамоў. Таму перад праектыроўшчыкамі стаяла складаная задача - запраектаваць самы буйны на той час універсальны магазін у Беларусі, знешні выгляд якога павінны быў падкрэсліць значнасць і рэспектабельнасць як самой гандлёвай установы, так і галоўнай вуліцы Мінска. Будаўніцтва ГУМа вялося вельмі хуткімі тэмпамі. Па плане трэсту № 1 Галоўмінскбуда да 25 кастрычніка 1951 года неабходна было завяршыць усе аддзелачныя работы. Урачыстае адкрыццё магазіна адбылося 5 лістапада 1951 г.
Будынак ГУМа і сягоння прываблівае манументальнасцю, своеасаблівым архітэктурна-мастацкім рашэннем з выкарыстаннем маёлікавых дэталяў. Як адзначае даследчыца архітэктуры А.С. Шамрук, рашэнне фасадаў унікальна па ступені свабоды інтэрпрэтацыі класічных прыёмаў і ўплыву стылю Ар Дэко, якое праяўляецца ў павышанай дэкарыроўцы фасадаў а таксама інтэр'ераў.
Сартаваць па