Адпраўлена!

Памылка!

Будынак Літаратурнага музея Янкі Купалы

Цiкавае

Змест

Звесткі аб каштоўнасці

Шыфр

713Г000091

711Е000149

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

г. Мінск, Цэнтральны раён, вул. Янкі Купалы, 4

Датаванне

1959 - 1960 гг.

Апісанне

Забудова квартала, на тэрыторыі якога пабудаваны будынак Літаратурнага музея Я. Купалы, да Вялікай Айчыннай вайны была драўлянай. У адным з дамоў па вул. Кастрычніцкай (суч. вул. Я. Купалы) жыла сям'я народнага паэта з 1927 па 1941 гг. Літаратуразнаўца, даследчык творчасці Я. Купалы Алег Лойка напісаў, што ў доме пад таполяй на вул. Кастрычніцкай, 36А Янка Купала пражыў пятнаццать год - самых сталых, самых светлых і самых драматычных.

Двухпавярховы з цокальным паверхам прамавугольны ў плане будынак. Мае сіметрычную аб'ёмна-прасторавую кампазіцыю. Планіроўка залаў анфіладная. Пры ўваходзе вялікі вестыбюль з трохмаршавай лесвіцай, асветленай вялікім паўцыркульным акном з вітражом. У кампазіцыю вітража ўключаны выява паэта і радкі з яго вершаў.