Будынкі былых казарм 41-й артылерыйскай брыгады размешчаны па вул. Будзённага №№ 1, 5, 7 у заходняй частцы горада Віцебска, у Чыгуначным раёне. Вуліца Будзённага забудавана 2-5-павярховымі цаглянымі дамамі. Будынкі былых казарм уяўляюць сабой традыцыйную для старога Віцебска чырвонацагляную забудову, характэрную для горада канца XIX - пачатку XX стагоддзяў. Да нашага часу былыя казармы дайшлі амаль у непераробленым выглядзе.

Казармы 41-й артылерыйскай брыгады ўвекавечаны Маркам Шагалам у яго работах «Салдаты» і «Салдат п'е»: на форме салдат выразна бачна лічба «41».