Будынкі былых Станіславоўскіх кафельных майстэрняў: будынак кафлярні
Будынкі былых Станіславоўскіх кафельных майстэрняў: будынак кафлярні
Змест
Звесткі аб каштоўнасці
Шыфр
413Г000728_1
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
ХІХ ст.
Апісанне
Былыя Станіславоўскія кафельныя майстэрні складаюцца з будынка кафлярні і двух будынкаў складоў.
Гісторыя Станіславоўскай кафлярні звязана з прамысловымі прадпрыемствамі князеў Друцкіх-Любецкіх. Спачатку была заснавана невялікая цагельня, якая карысталася багатымі залежамі гліны ў трохкутніку сучасных вуліц Дубко - Дзяржынскага - Пушкіна. Пасля пажару 1885 г. Друцкія-Любецкія рашыліся на пашырэнне дзейнасці ў сферы вытворчасці будаўнічых матэрыялаў і ў 1895 г. каля чыгункі недалёка ад гродзенскага вакзала была заснавана кафлярня, на якой у 1900 г. працавала 28 чалавек.
Комплекс складаўся з кафлярні i складоў. Першапачаткова будынак кафлярні быў неатынкаваны, складзены фасаднай кладкай з жоўтай цэглы. Аздоблены па кутах рустам, паддашным i міжпавярховым прафіляванымі карнізамі. У пасляваенныя гады двухпавярховы будынак кафлярні найбольш змяніў свой першапачатковы выгляд: дэмантаваны скатны дах, атынкаваны сцены, часткова знішчаны дэкор, зменена планіроўка інтэр’ераў.
Доступ да аб'екта
Доступ да аб'екта
Запыт аб допуску да карыстання рэсурсамі Банка звестак будзе накіраваны ў Міністэрства культуры. Міністэрства культуры прымае рашэнне аб прадастаўленні ці адмове ў прадастаўленні доступа да карыстання рэсурсамі Банка звестак, аб аб'ёме і паўнаце прадастаўляемай інфармацыі. Рашэнне прымаецца на працягу 10 дзён