«Букет». Палатно, алей. 65 х 52 (аўтар Мішэль Кікоін)

Час напісання карціны “Букет” каля 1920 г.

Вядомы прадстаўнік Парыжскай школы Міхаіл Кікоін (1892 - 1968) нарадзіўся ў Гомелі Магілёўскай губерні.

У 1912 г. Міхаіл Кікоін пераязджае ў Парыж, дзе пасяліўся ў “Вуллі”. Асяроддзе Манпарнаса, збліжэнне з Амедэа Мадыльяні (у 1919 г. ён зрабіў графічны партрэт Кікоіна), Маркам Шагалам, іншымі, а таксама знаёмства з шэдэўрамі сусветнага класічнага мастацтва ў парыжскіх музеях аказала значны ўплыў на фарміраванне Кікоіна як мастака. 

У сваёй творчасці мастак аддаваў перавагу жанрам пейзажа, нацюрморта і партрэта. Мастацкая манера Кікоіна дэманструе вывучэнне вопыту розных напрамкаў еўрапейскага мастацтва канца ХІХ – першай паловы ХХ стст.: і перш за ўсё, постімпрэсіянізму, сімвалізму і экспрэянізму. Многія яго карціны створаны пад моцным уплывам Хаіма Суціна.